Sjokolade-ystervarkies met bokskoek

1 x 650 g-boks Ina Paarman-sjokolade koekmengsel
60 ml kakao
375 ml water
600g (750 ml) suiker
15 ml botter
5 ml vanieljegeursel
droë klapper om die koekies in te rol en vir opdiening

Verhit die oond tot 180 °C. Maak die mengsel volgens die aanwysings op die boks aan. Voer ’n 30 x 20 cm- pan met bakpapier uit en spuit dit goed met kleefwer- ende kossproei. Gooi die beslag in die pan en smeer dit gelyk. Bak 40 minute of tot goudbruin en gaar – toets met ’n metaalpen of houtkebabstokkie – en laat afkoel.
Gooi die res van die bestanddele behalwe die klapper in ’n pot en bring dit tot kookpunt. Kook 3 minute. Sny die afgekoelde koek in 3 cm-blokkies. Doop een op ’n slag vir 30 sekondes in die warm stroop en rol dit dan in klapper. Laat afkoel en sit voor.