Foto: Donna Lewis
Koop lekker verouderde steak met ’n vetrand. Ek verkies rib- filet (sirloin) of kruisstuk (rump). Dié snitte is smaakliker as dit nog aan die been is. As jy daarvan hou, vra jou slagter om dit so vir jou te sny.
Genoeg vir 6 persone
Parys-botter
4 ansjovisfilette
1 hand vol gemengde kruie (tiemie, origanum en pietersielie)
sap en skil van 1 suurlemoen
300 g (330 ml) sagte botter
6 (sowat 300 g) ribfilette (sirloin steaks), verkieslik aan die been
80 ml olyfolie
4 takkies roosmaryn, fyngekap s
ap en skil van 2 suurlemoene
sout en varsgemaalde swartpeper
Maak die botter eerste, só: Plaas al die bestanddele in ’n voedsel- verwerker en puree dit teen ’n hoë spoed tot ’n gladde mengsel. Geur goed met sout en swartpeper. Hou eenkant terwyl jy die steak gaarmaak. Verhit ’n riffelpan oor hoë hitte tot baie warm – rook moet letterlik daaruit trek. Besprinkel die steak met olyfolie, roosmaryn en suurlemoensap en -skil. Geur goed met sout en swartpeper.
Braai die steak sowat 5 minute per kant vir medium, of langer as jy verkies. Skep lepels vol van die sagte botter op die steak en sit voor.
WENK: Laat staan vleis soos steak of filet altyd om kamertemperatuur te bereik voor jy dit braai. Dit maak die vleis sappiger. Onthou ook om, ná jy dit gaargemaak het, die vleis so 5 minute te laat rus voor jy dit voorsit.