Foto: Michael le Grange
Laat jou Kersfees uniek eindig met die stad en sy geboue as koekies.
Genoeg vir 30
360 g (360 ml) heuning
740 g (925 ml) sagte bruinsuiker
200 g (220 ml) ongesoute botter
4 eiers, geklits
60 ml suurlemoensap
skil van 1 suurlemoen
20 ml gemengde speserye
10 ml fyn gemmer
1.5 kg bruismeel
Verhit oond tot 180 ̊C. Smelt heuning, bruinsuiker en botter saam. Haal van hitte af en laat afkoel. Klits eier en suurlemoensap en -skil saam. Meng droë bestanddele in mengbak, voeg eiermengsel by en meng deur. Gooi genoeg van die heuningmengsel by om ’n sagte koekiedeeg te vorm. Laat 20 minute in yskas rus. Verdeel deeg eweredig in 6. Plaas 6 velle bakpapier op werkvlak en sprinkel met koekmeel. Rol elke stuk tot 5 mm dik op bakpapier uit. Sny stadpatrone soos op die foto uit die deegstukke. Trek velle papier met deeg en al tot op ’n bakplaat en bak 10–15 minute of tot goudbruin. Laat afkoel en sif versiersuiker oor. Sit voor met goeie koffie.