Herman Lensing
Hierdie hoender-gereg met rys verg nie veel moeite nie en is boonop vullend.
Genoeg vir 4-6
250 ml SPEKKO Basmati-rys
2 uie, in skywe gesny
12 jong wortels, in ringe gesny
250 ml witwyn
500 ml hoenderaftreksel
hand vol harde kruie (roosmaryn, tiemie en origanum), fyngekap
gerasperde skil van 2 suurlemoen
100 g pekaneute, fyngekap
1 groot hoender
60 ml korrelmosterd
sout en varsgemaalde swartpeper na smaak
400 g vars aspersies
Maak rys gaar volgens aanwysings op pakkie. Verhit oond tot 200 °C. Plaas ui en wortels in oondroosterpan. Meng gaar rys, kruie, suurlemoenskil en neute saam. Skep vulsel in die hoender se buik. Plaas hoender in oondroosterpan, voeg witwyn en hoenderaftreksel by. Smeer hoender met mosterd. Geur goed met sout en swartpeper. Bedek pan met foelie en rooster vir 45–60 minute, of 1–1½ uur as jy net een groot hoender gaarmaak. Verwyder foelie en pak aspersies in pan. Sprinkel groot skeut olyfolie oor. Rooster oop vir 40-50 minute of tot goudbruin en gaar. Skep groente in opdienbord en plaas hoender bo-op. Sit voor.